Թուրքիան ամենաշատ թեյ սպառող երկրների շարքում է
Հրապարակվել են աշխարհում ամենաշատ թեյ սպառող երկրների տվյալները։ Այդ երկրներում մեկ շնչին բաժին ընկնող թեյի տարեկան օգտագործումն ամենաբարձրն է։ Այս մասին տեղեկացնում է ermenihaber.am-ը։
Դրանց մեջ է նաև Թուրքիան, որտեղ մեկ անձի հաշվով թեյի տարեկան սպառումը կազմում է 3.16 կգ: Վերջինիս 2.19 կգ-ով հաջորդում է Իռլանդիան, ապա 1.94 կգ-ով՝ Մեծ Բրիտանիան:
Թուրքիայում թեյը համարվում է ամենաշատ օգտագործվող ըմպելիքը: Թեև մինչև 1950-ական թվականները գերակշռում էր սուրճի օգտագործումը, սակայն տրանսպորտի և լոգիստիկ պայմանների զարգացման արդյունքում հնարավոր դարձավ թեյաբույսերի տերևներն ավելի երկար պիտանելիության ժամկետով տեղափոխել ավելի հեռու տեղեր, ինչի արդյունքում էլ այն լայն տարածում ստացավ և այսօր համարվում է Թուրքիայի ազգային ըմպելիքներից մեկը։
