Ֆուտզալի Հայաստանի ազգային հավաքականի գլխավոր մարզիչը մեկնաբանել է Ուկրաինայի հավաքականի նկատմամբ տարած պատմական հաղթանակը
Ֆուտզալի Հայաստանի ազգային հավաքականի գլխավոր մարզիչ Ռուբեն Նազարեթյանը մեկնաբանել է ԵՎՐՈ-2026-ի խմբային փուլի B խմբի առաջին տուրում աշխարհի գործող բրոնզե մեդալակիր Ուկրաինայի հավաքականի նկատմամբ տարած պատմական հաղթանակը (2-1)։
«Շատ երջանիկ եմ, որ առաջին խաղում հաղթեցինք նման ուժեղ մրցակցի։ Հիանալի է մրցաշարն այսպես սկսելը։ Հուսով եմ՝ կշարունակենք նույն ոգով։ Մեր նպատակն է հաղթել նաև հաջորդ երկու խաղերում։ Ցանկանում եմ շնորհակալություն հայտնել իմ խաղացողներին։ Խաղից առաջ մենք խոսել էինք այս մասին, և դա իրականություն դարձավ»,-Նազարեթյանի խոսքերն է մեջբերում ՈւԵՖԱ-ի մամուլի ծառայությունը։
Հիշեցնենք, որ երկրորդ տուրում մեր ընտրանին կմրցի Չեխիայի հավաքականի հետ։ Խաղը կկայանա հունվարի 25-ին՝ Երևանի ժամանակով 16:00։
