Եվրոպան հույսը դնում է միայն այն համոզմունքի վրա, թե ՆԱՏՕ-ն կգործի սպառնալիքի դեպքում․ Զելենսկի
«Ճիշտ մեկ տարի առաջ, հենց այս ֆորումում, ես ասացի, որ Եվրոպան պետք է իմանա, թե ինչպես պաշտպանվել: Մեկ տարի է անցել, և ոչինչ չի փոխվել»,- այս մասին ասել է Ուկրաինայի նախագահ Վոլոդիմիր Զելենսկին՝ Դավոսում կայացած Համաշխարհային տնտեսական ֆորումի ընթացքում անդրադառնալով նաև Գրենլանդիայի շուրջ ստեղծված իրավիճակին։
Նա նաև հիշեցրել է, որ Նիկոլաս Մադուրոն Նյու Յորքի բանտում է, իսկ Պուտինը՝ ոչ։
«Ո՞վ է պատասխան տալու, եթե Պուտինը հարձակվի Լիտվայի կամ Լեհաստանի վրա։ Եվրոպան հույսը դնում է միայն այն համոզմունքի վրա, որ ՆԱՏՕ-ն կգործի սպառնալիքի դեպքում։ Բայց իրականում ոչ ոք չի տեսել, թե ինչպես է Դաշինքը գործում»,-ասել է Զելենսկին։
