Աշխարհի ապագան հնարավոր չէ պատերացնել առանց գիտնականների. Լուկաշենկո
Բելառուսի նախագահ Ալեքսանդր Լուկաշենկոն հայտարարել է, որ երկրի և աշխարհի ապագան անհնար է պատկերացնել առանց գիտնականների։ Այս մասին հաղորդում է РИА Новости-ն:
«Մեր աչքերի առաջ զարգանում է թվային հեղափոխության նոր փուլը։ Այն ապագան, որի մասին դեռ երեկ երազում էին ամենաառաջադեմ գիտաֆանտաստիկ գրողները, եկել է։ Եվ այս ապագան գիտության ժամանակն է. առանց դրա անհնար է ապահովել պետության և ամբողջ աշխարհի անվտանգությունն ու բարեկեցությունը»,- ասել է Լուկաշենկոն գիտական և ակադեմիական աշխատակիցներին դոկտորական աստիճաններ և պրոֆեսորական վկայականներ շնորհելու արարողության ժամանակ։
Նախագահի խոսքով՝ բելառուսական գիտությունը, համաշխարհային մարտահրավերների և անորոշության պայմաններում, ցուցադրում է դիմադրողականություն և նորարարություններ ընդունելու և անընդհատ զարգացնելու ունակություն։
