Լեհաստանը Ուկրաինային կփոխանցի հին կործանիչներ
Լեհաստանը նախատեսում է 2026 թվականին Ուկրաինային փոխանցել շահագործումից դուրս բերված հետխորհրդային ՄիԳ-29 կործանիչները։ Այս մասին TVP World-ի եթերում հայտարարել է Լեհաստանի պաշտպանության փոխնախարար Պավել Զալևսկին։
Նրա խոսքով՝ որոշումն արդեն կայացված է։ Կիևը առաջին փուլում կստանա ինը ինքնաթիռ։
Զալևսկին հավելել է, որ ներկայումս տեխնիկական բանակցություններ են ընթանում Ուկրաինայի պաշտպանության նախարարության հետ, որոնք հիմնականում վերաբերում են լոգիստիկային, կործանիչների տեխնիկական վիճակին և դրանց փոխանցման պայմաններին։
