Փորձագետը գնահատել է Իրանում տեղի ունեցող բողոքի ցույցերի ազդեցությունը Կենտրոնական Ասիայի վրա
Իրանում տեղի ունեցող բողոքի ցույցերը չեն ազդի Կենտրոնական Ասիայի երկրներում տիրող իրավիճակի վրա, РИА Новости-ի հետ զրույցում հայտարարել է Տաշքենդում գործող «Ma’no» հետազոտական նախաձեռնությունների կենտրոնի տնօրեն Բախտիոր Երգաշևը։
«Ես չեմ կարծում, որ բողոքի ակցիաներն ազդեցություն կունենան։ Դրանց բովանդակությունը զուտ իրանական է. այն որևէ կապ չունի Կենտրոնական Ասիայի խնդիրների կամ Կենտրոնական Ասիայի առանձնահատկությունների հետ»,- ասել է Երգաշևը՝ պատասխանելով Իրանում բողոքի ակցիաների Կենտրոնական Ասիայի տարածաշրջանի վրա հնարավոր ազդեցության մասին հարցին։
Փորձագետի գնահատմամբ՝ Իրանը ներկայացնում է առանձնահատուկ լեզվական և մշակութային միջավայր, որը զգալիորեն տարբերվում է Կենտրոնական Ասիայի երկրների թյուրքական մշակույթներից և լեզուներից, բացառությամբ Տաջիկստանի:
