Իրանը վերահսկողության տակ է վերցրել բողոքի ցույցերով պայմանավորված իրավիճակը. ԱԳՆ

Իրանի իշխանությունները վերահսկողության տակ են վերցրել երկրում տեղի ունեցող բողոքի ցույցերով պայմանավորված իրավիճակը: Այս մասին հայտարարել է Իրանի արտաքին գործերի նախարար Աբբաս Արաղչին։

«Իրավիճակը վերահսկողության տակ է»,- ասել է նախարարը՝ արտասահմանյան դեսպանների հետ հանդիպման ժամանակ: Նրա ելույթից հատվածը հրապարակեվել է իրանական հեռուստատեսությամբ։

Իրանում բողոքի ցույցերը սկսվել են 2025 թվականի դեկտեմբերի վերջին՝ տեղական արժույթի՝ իրանական ռիալի արժեզրկման պատճառով։