Կալասը պատասխանել է Գրենլանդիայի վերաբերյալ Թրամփի մեկնաբանություններին
ԱՄՆ նախագահ Դոնալդ Թրամփի՝ Գրենլանդիայի պաշտպանունակության վերաբերյալ կասկածներին ի պատասխան՝ ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալասը հայտարարել է, որ Հյուսիսատլանտյան դաշինքը ի վիճակի է ապահովել կղզու պաշտպանությունը: Նրա խոսքերը հաղորդում է Die Welt-ը։
«Գրենլանդիան պատկանում է իր քաղաքացիներին: Եթե կղզու անվտանգության վերաբերյալ մտահոգություններ կան, ՆԱՏՕ-ն ի վիճակի է մեղմել այդ մտահոգությունները»,- ասել է նա։
Միևնույն ժամանակ, Կալասը նշել է, որ կղզին ռազմավարական նշանակություն ունի դաշինքի համար: «Կղզու մոտակայքում գտնվում են ստորջրյա մալուխներ, իսկ Գրենլանդիայի սառույցի տակ՝ երկրի հազվագյուտ տարրեր»,- ընդգծել է քաղաքական գործիչը։
