Իրանի արտաքին գործերի նախարարը հանդիպել է «Հեզբոլլահ»-ի առաջնորդի հետ
Իրանի արտաքին գործերի նախարար Աբբաս Արաղչին հանդիպել է «Հեզբոլլահ»-ի գլխավոր քարտուղար Նաիմ Քասեմի հետ Լիբանան կատարած այցի ընթացքում. Իրանի պետական լրատվամիջոցների տեղեկություններն է փոխանցում ՏԱՍՍ գործակալությունը:
Ավելի վաղ Իսրայելի բանակը հայտարարել էր, որ 27 ավիահարված է հասցրել «Հեզբոլլահ»-ի ռազմական ենթակառուցվածքներին հարավային Լիբանանում, այդ թվում՝ զենքի պահեստներին և հրթիռային կայանքներին՝ հիշեցրել է լրատվականը:
