Չինաստանը կոչ է արել Միացյալ Նահանգներին՝ ապահովել Մադուրոյի և նրա կնոջ անվտանգությունը
Չինաստանը կոչ է անում Միացյալ Նահանգներին ապահովել Վենեսուելայի նախագահ Նիկոլաս Մադուրոյի և նրա կնոջ անվտանգությունը։ ՌԻԱ Նովոստիի փոխանցմամբ՝ այս մասին երկուշաբթի օրը հայտարարել է ՄԱԿ-ում Չինաստանի մշտական ներկայացուցչի տեղակալ Սուն Լեյը։
«Մենք կոչ ենք անում Միացյալ Նահանգներին ապահովել նախագահ Մադուրոյի և նրա կնոջ անձնական անվտանգությունը և անհապաղ ազատ արձակել նրանց։ Մենք աջակցում ենք Անվտանգության խորհրդին միջազգային խաղաղությունն ու անվտանգությունը պահպանելու իր հիմնական պարտականությունը կատարելու գործում», – ասել է նա՝ Վենեսուելային նվիրված ՄԱԿ-ի Անվտանգության խորհրդի նիստում։
