Հայաստանը ճանաչվել է հետխորհրդային տարածքի ամենաանվտանգ երկիր` ըստ World Travel Index-ի
Աշխարհի ամենաապահով երկրների վարկանիշային աղյուսակում Հայաստանը 193 երկրների շարքում զբաղեցրել է 13-րդ տեղը` ըստ Համաշխարհային ճանապարհորդության ինդեքսի։
Վարկանիշը կազմելիս կազմակերպությունն օգտագործում է արհեստական բանականության և զբոսաշրջիկների համար կարևոր տարբեր պարամետրերի վերլուծության վրա հիմնված մեթոդաբանություն։
Վարկանիշային աղյուսակում առաջին տեղը զբաղեցրել է Տուվալուն։ Առաջին տասնյակում հիմնականում ներառված են եղել Ավստրալիայի և Օվկիանիայի փոքր պետությունները, ինչպես նաև Եվրոպան։
Եվրոպական երկրների շարքում Հայաստանը զբաղեցրել է չորրորդ տեղը՝ զիջելով միայն Սան Մարինոյին, Անդորրային և Մոնակոյին։ Հետխորհրդային երկրների շարքում Հայաստանը գլխավորել է վարկանիշային աղյուսակը։
Վրաստանը զբաղեցրել է 26-րդ տեղը, իսկ Ադրբեջանը՝ 41-րդը։
