Իրանի շուրջ ստեղծված նոր լարվածությունը մտահոգիչ է. Հայաստանի հարավում ցանկացած անկայունություն կարող է վնասել տարածաշրջանային անվտանգությանը. Տիգրան Աբրահամյան
ԱԺ «Պատիվ ունեմ» խմբակցության քարտուղար Տիգրան Աբրահամյանը մտահոգիչ է համարում Իրանում և Իրանի շուրջ ստեղծված նոր լարվածությունը:
«Նախ, Իրանը պարզապես հարևան չէ, երկիր է, որի հետ հայ ժողովուրդն ունի ջերմ, բարեկամական հարաբերություններ:
Երկրորդ, ՀՀ-ի հարավում ցանկացած անկայունություն կարող է վնաս հասցնել տարածաշրջանային փխրուն կայունությանն ու անվտանգությանը:
Անընդունելի է ցանկացած արտաքին միջամտություն, որը համերաշխության և ներքին խաղաղության փոխարեն կսրի իրավիճակն ու վտանգ կհասցնի բարեկամ երկրի ժողովրդի շահերին»,- ընդգծել է պատգամավորը։
