Մոսկվայի օդանավակայաններում ավելի քան 100 չվերթ է հետաձգվել կամ չեղարկվել
Մոսկվայի օդանավակայաններում ավելի քան 100 չվերթ է հետաձգվել կամ չեղարկվել։ Այս մասին հաղորդում է «Маш»-ը։
Եղանակային վատ պայմանների պատճառով «Շերեմետևո»-ում հետաձգվել է մեկնելու 20, ժամանման՝ 86 չվերթ։ «Վնուկովո»-ում հետաձգվել է մեկնելու 7, ժամանման՝ 37 չվերթ: «Դոմոդեդովո»-ում հետաձգվել է մեկնման 1, ժամանման՝ 3 չվերթ։ Չեղարկվել են նաև դեպի Երևան չվերթերը։
Թերթի տվյալներով՝ տրանսպորտային փլուզման պատճառը վատ եղանակն է եղել։ Միայն 20 մեկնող և 86 ժամանող չվերթներ են վերահասցեագրվել Շերեմետևո։ Կալինինգրադ, Ուֆա, Սոչի, Վոլգոգրադ, Աստրախան, Կրասնոյարսկ, Սամարա և Միներալնիե Վոդի ուղևորվող ուղևորները կարող են Նոր տարին անցկացնել օդանավակայանում։
Ուշացումներ են գրանցվում նաև Վնուկովոյում և Դոմոդեդովոյում։ Վնուկովոյում վերահասցեագրվել է 44 չվերթ, իսկ Դոմոդեդովոյում՝ չորսը։ Դոմոդեդովոյում չեղարկվել են նաև դեպի Երևան, Սոչի և Կուլյաբ չվերթները։
Նախկինում Կալինինգրադի Գրաբրովոյում և Սանկտ Պետերբուրգի Պուլկովոյում չվերթների ուշացումների պատճառով ուղևորները մնացել էին խրված։
