Անկարան ակնկալում է, որ Ուկրաինայի հակամարտությունը կլուծվի 2026 թվականին
Անկարան ակնկալում է, որ 2026 թվականին կգտնվի Ուկրաինայի հակամարտության լուծումը, դա թուրքական կողմի համար արտաքին քաղաքականության առաջնահերթություն է։ Այս մասին ՌԻԱ Նովոստիին հայտնել է թուրքական դիվանագիտական աղբյուրը:
Ավելի վաղ Թուրքիայի արտգործնախարար Հաքան Ֆիդանը հայտարարել էր, որ Անկարայի կարծիքով՝ ուկրաինական հակամարտության կարգավորման շուրջ պայմանավորվածության ձեռքբերումը մոտ է:
«Մեծ հույս ունենք, որ եկող տարում վերջ կդրվի մեր երկու մերձավոր հարևանների միջև այս հակամարտությանը։
Դուք գիտեք այդ ուղղությամբ Թուրքիայի միջնորդական ջանքերի մասին, ինչպես նաև այն կարևորությունը, որ մենք տալիս ենք կարգավորմանը։ Եվ պատրաստ ենք ամեն կերպ աջակցել խաղաղ գործընթացին՝ կոնկրետ, հաստատուն լուծման հասնելու համար», – ասել է գործակալության զրուցակիցը։
Հավելենք՝ Թուրքիայի նախագահ Ռեջեփ Թայիփ Էրդողանը հույս էր հայտնել, որ Ուկրաինայի հարցով ուղիղ բանակցությունները կրկին կարող են անցկացվել Ստամբուլում:
