Ռուսաստանն իր քաղաքացիներին հորդորել է ձեռնպահ մնալ Գերմանիա մեկնելուց
Ռուսաստանի ԱԳՆ-ն ՌԴ քաղաքացիներին հորդորել է ձեռնպահ մնալ Գերմանիա ուղևորությունից, եթե դրա խիստ անհրաժեշտությունը չկա. ըստ «Интерфакс»-ի՝ հայտարարել է արտգործնախարարության մամուլի պաշտոնական ներկայացուցիչ Մարիա Զախարովան։
«Մենք մեր քաղաքացիներին թախանձագին հորդորում ենք ձեռնպահ մնալ Գերմանիա ուղևորությունից, եթե դրա խիստ անհրաժեշտությունը չկա։ Համապատասխան հանձնարարականները հրապարակվել են նախարարության և նրա արտասահմանյան առաքելությունների պաշտոնական կայքերում»,- ասել է Զախարովան։
Նա հավելել է. «Դա կարող է օգտակար լինել նաև Գերմանիա գործուղված լրագրողների համար, քանի որ խնդիրներ կան»։
