Պուտինը «Հայրենիքին մատուցած ծառայությունների համար» երրորդ աստիճանի շքանշան է շնորհել Ռուսաստանի հայերի միության նախագահին
ՌԴ նախագահ Վլադիմիր Պուտինը «Հայրենիքին մատուցած ծառայությունների համար» երրորդ աստիճանի շքանշան է շնորհել Ռուսաստանի հայերի միության նախագահ Արա Աբրահամյանին։ Այս մասին հայտնում են ՌԴ հայերի միությունից։
«Այս պահին Կրեմլում տեղի է ունենում պետական պարգևների հանձնման արարողություն։
Պուտինը Ռուսաստանի հայերի միության ղեկավար Արա Աբրահամյանին հանձնեց հեղինակավոր պարգև՝ «Հայրենիքին մատուցած ծառայությունների համար» 3-րդ աստիճանի շքանշանը»,- նշված է հաղորդագրությունում։
Իր խոսքում Վլադիմիր Պուտինը նշել է․ «Նոր տարվա նախօրեին Կրեմլում պետական մրցանակների հանձնումը միշտ տեղի է ունենում տոնական հատուկ մթնոլորտում։ Ընդունված է ամփոփել անցյալը և ծրագրեր կազմել ապագայի համար՝ հավատալով, որ առջևում մեծ աշխատանք, մեծ նվաճումներ և շատ լավ բաներ են սպասվում»։
