ԱՄՆ-ն հաստատել է Գրենլանդիան ձեռք բերելու իր մտադրությունը
Լուիզիանայի նահանգապետ Ջեֆ Լենդրին շնորհակալություն է հայտնել ԱՄՆ նախագահ Դոնալդ Թրամփին՝ իրեն Գրենլանդիայի հարցերով հատուկ դեսպան նշանակելու համար և հաստատել է Գրենլանդիան ձեռք բերելու երկրի մտադրությունը։ Այս մասին նա գրել է X սոցիալական ցանցի իր էջում։
Լենդրին ընդգծել է, որ նոր նշանակումը չի ազդի իր՝ որպես նահանգապետի աշխատանքի վրա։
Թրամփը հայտարարել է Լենդրիի՝ Գրենլանդիայի հարցերով հատուկ դեսպան նշանակման մասին դեկտեմբերի 22-ին։
