Շաքարային դիաբետի ցուցանիշով Թուրքիան Եվրոպայում առաջինն է

Շաքարային դիաբետի միջազգային ֆեդերացիան (IDF) հրապարակել է «Շաքարախտի ատլաս 2025» զեկույցը։ Ամբողջ աշխարհում շաքարախտով հիվանդների թիվն ավելացել է՝ 537 միլիոնից հասնելով 643 միլիոնի։ Այս մասին տեղեկացնում է ermenihaber.am-ը։

Շաքարախտի ամենաբարձր ցուցանիշը 20-ից մինչև 79 տարեկանների խմբում գրանցվել է Պակիստանում։

Եվրոպայում շաքարախտի ցուցանիշով ամենաբարձր տվյալներն ունի Թուրքիան։ Դա նշանակում է, որ Թուրքիայում յուրաքանչյուր վեց չափահասից մեկն ունի շաքարախտ։ Այդ տարիքային խմբի բնակչության 16%-ը, կամ 9.6 մլն մարդ ունի շաքարային դիաբետ։ Նշենք, որ Թուրքիայի բնակչությունը ներկայումս կազմում է մոտ 86 մլն։

Եվրոպայում 20-79 տարեկան մարդկանց շրջանում շաքարախտի ամենաբարձր մակարդակ ունեցող 10 երկրներն են՝

1․ Թուրքիա

2․ Ալբանիա

3․ Սերբիա,

4․ Բոսնիա և Հերցեգովինա

5․Չեռնոգորիա,

6․ Հյուսիսային Մակեդոնիա

7․ Ռումինիա

8․ Բուլղարիա

9․ Հունաստան

10. Խորվաթիան