Թուրքիայի իշխող ուժն առաջիկա ընտրություններում կարող է իր դիրքերը զիջել ընդդիմությանը
Թուրքական «Asal Araştırma» հետազոտական ընկերութունը 2025-ի վերջին սոցհարցումն է անցկացրել Թուրքիայի ընտրողների շրջանում: Այս մասին տեղեկացնում է ermenihaber.am-ը։
Տեղական մեդիայում սոցհարցման արդյունքները որակվել են որպես «մեծ անակնկալ»:
Մասնավորապես 2025-ի դեկտեմբերին Թուրքիայի 26 շրջանում ընտրողներին ուղղել են «Եթե այս կիրակի պատգամավորական համընդհանուր ընտրություն լինի, Ձեր ձայնը ո՞ր քաղաքական կուսակցությանը կտաք» հարցը, որին դժվարացել է պատասխանել/ ասել է՝ «չեմ քվեարկելու» մասնակիցների 27.4 տոկոսը՝ որն էլ եղել է ամենաշատ տրված պատասխանը:
Հարցվածների 24.6 տոկոսն էլ նշել է, որ ընտրություններում իր ձայնը տալու է Թուրքիայում գլխավոր ընդդիմադիր ուժ համարվող «Ժողովրդահանրապետական» կուսակցությանը (CHP-ԺՀԿ), իսկ 22.8 տոկոսը՝ Թուրքիայում իշխող «Արդարություն և զարգացում» կուսակցությանը (AKP-ԱԶԿ):
