Պադավատների և ոստիկանական մեքենաների շքերթ. Նիկոլ Փաշինյանը, Ալեն Սիմոնյանը ՔՊ գրասենյակում էին
Այսօր ՔՊ գլխամասային գրասենյակի մոտ կայանված պադավատների, պաշտոնական կորտեժի ու ոստիկանական մեքենաների առատություն էր: Մինչև իշխանության գալը առավոտից երեկո պադավատապետությունից խոսող Նիկոլ Փաշինյանն աշխատանքային օրվա ավարտից հետո ՔՊ գլխամասային գրասենյակում է եղել, նրա հետ՝ նաև Ալեն Սիմոնյանը, որոշ նախարարներ և այլք: Ավելին՝ նա րոպեներ առաջ է միայն հեռացել շենքից:
Գրասենյակ նրանց այցելությունների օրերին Չարենցի փողոցում այս նույն պարալիզացված իրավիճակն է` ոստիկաններ, մի քանի տասնյակ պադավատներ…
Տեղեկություններ չկան հանդիպման մանրամասների մասին, սակայն տեղի ունեցողը, հավանաբար, պետք է դիտարկել ՔՊ-ում մեկնարկած նախընտրական ցուցակի «քասթինգի» համատեքստում. որքան ընտրությունները մոտենում են, այնքան հանդիպումներն ու քննարկումները շատանալու են, Չարենցի փողոցը այս վիճակում է լինելու…
