Ալեն Սիմոնյանը հաջողություն է մաղթել «Մանկական Եվրատեսիլ» մրցույթում Հայաստանի, Վրաստանի և Ադրբեջանի ներկայացուցիչներին
ԱԺ նախագահ Ալեն Սիմոնյանը Թբիլիսիում է, որտեղ քիչ անց կմեկնարկի «Մանկական Եվրատեսիլ» երգի միջազգային մրցույթը։ Թելեգրամի իր ալիքում Սիմոնյանը լուսանկարներ, տեսանյութեր է հրապարակել ու գրել, որ հաջողություն է մաղթել «Մանկական Եվրատեսիլ» մրցույթում Հայաստանը ներկայացնող Ալբերտին, Վրաստանը ներկայացնող ազգությամբ հայ Անիտա Աբգարյանին, Ադրբեջանը ներկայացնող Yagmur-ին։
«Վստահ եմ, որ հիասքանչ ձայնով տաղանդավոր այս տղան հաղթելու է «Մանկական Եվրատեսիլ 2025»-ը»,- Ալբերտին ողջունելու տեսանյութին կից գրել է Սիմոնյանը։
