Վատ եղանակի պատճառով այսօր չեղարկվել են Բաթումի-Ստամբուլ բոլոր չվերթները
Այսօր՝ դեկտեմբերի 13-ին, չեղարկվել են Բաթումիի օդանավակայանից դեպի Ստամբուլ բոլոր չվերթները։ Պատճառը վատ եղանակն է, հայտնում է «Գրուզիա-Օնլայն»-ը։
Բաթումիի օդանավակայանից դեպի Ստամբուլ նախատեսված է եղել երեք չվերթ՝ երկու Turkish Airlines-ի և մեկ Pegasus-ի չվերթ։ Բաթումիի օդանավակայանը հայտարարել է, որ ներկայումս անհայտ է, թե երբ կլինի Ստամբուլ կատարվող չվերթը։
Այսօրվա համար Բաթումիի օդանավակայանից դեպի Մոսկվա, Թել Ավիվ և Սոչի ևս հինգ չվերթ է նախատեսված։ Բաթումիի օդանավակայանի տվյալներով՝ այդ չվերթները դեռևս չեն չեղարկվել։
