Սուպերհամակարգիչը թարմացրել է Չեմպիոնների լիգան հաղթելու ամենաբարձր շանսեր ունեցող թիմերի վարկանիշը

Opta-ի մասնագետները գործարկել են սուպերհամակարգիչ և կրկին հաշվարկել թիմերի՝ 2025/26 մրցաշրջանում Չեմպիոնների լիգայում հաղթելու թարմացված հնարավորությունները։

Ըստ հաշվարկների՝ լիգայի փուլի վեցերորդ տուրից հետո «Արսենալը» շարունակում է պահպանել մրցաշարը հաղթելու ամենամեծ շանսերը։ «Զինագործների» հաղթանակի հավանականությունը կազմում է 22.5 տոկոս։

Երկրորդ տեղում է Մյունխենի «Բավարիան»՝ հաղթանակի 18.59 տոկոսի հավանականությամբ։ Լավագույն եռյակը եզրափակում է գործող գավաթակիր ՊՍԺ-ն՝ 13.56 տոկոսի հավանականությամբ։

«Մանչեսթեր Սիթին» արդեն երկրորդ տուրն անընդմեջ նախկինի համեմատ դուրս է մնացել լավագույն եռյակից, և նրանց հաղթելու հավանականությունը գնահատվում է 10.53 տոկոս։ Հաջորդում են «Բարսելոնան» (6.66 տոկոս), «Լիվերպուլը» (4.91 տոկոս) և «Ռեալ Մադրիդը» (4.20 տոկոս)։ Մյուս թիմերի շանսերը 4 տոկոսից ցածր են։

Չեմպիոնների լիգայի խաղարկության լիգայի փուլի յոթերորդ տուրի հանդիպումները կկայանան դեկտեմբերի 20-ին և 21-ին։