Իրանն առգրավել է 6 մլն լիտր մաքսանենգ դիզելային վառելիք տեղափոխող արտասահմանյան նավթային լցանավը
Իրանը Օմանի ծովում առգրավել է 6 միլիոն լիտր մաքսանենգ դիզելային վառելիք տեղափոխող օտարերկրյա նավթատարը, հաղորդում է Mehr-ը։
Հորմոզգան նահանգի դատական տնօրեն Մոջթաբա Ղահրամանին հաստատել է, որ Ջասկի մոտակայքում Իրանի տարածքային ջրերում օտարերկրյա լցանավ է կալանվել։
Գործողության նպատակը եղել են մաքսանենգ ճանապարհով վառելիք տեղափոխող ցանցերը և դրանց օպերատորները։ Գահրամանին նշել է, որ նավը շահագործվել է առանց ծովային ուղեգրային վավեր փաստաթղթերի կամ վառելիքի փոխադրման բեռի հայտարարագրի։ Նավի վրա առկա բոլոր նավիգացիոն և օժանդակ համակարգերը միտումնավոր անջատված են եղել, հավելել են իշխանությունները։
Դատական իշխանության ներկայացուցչի խոսքով՝ լցանավի անձնակազմը բաղկացած է եղել 18 հոգուց, որոնք եղել են Հնդկաստանի, Շրի Լանկայի և Բանգլադեշի քաղաքացիներ։
