Եվրոպացի դիվանագետներին արգելվել է մասնակցել միջոցառումների, որոնց ներկա կլինեն ռուս դիվանագետները
Եվրոպական արտաքին կապների ծառայությունը (EEAS) Ժնևում գտնվող ՄԱԿ-ի մշտական ներկայացուցչություններին ռուս դիվանագետների հետ փոխգործակցության վերաբերյալ հրահանգներ է ուղարկել: Այս մասին հաղորդում է РИА Новости-ն՝ հղում անելով դիվանագիտական աղբյուրին։
Փաստաթղթում, ի թիվս այլ բաների, խորհուրդ է տրվում խուսափել ռուս դիվանագետների մասնակցությամբ կազմակերպված միջոցառումներից։ Սակայն, եթե եվրոպացի դիվանագետները մասնակցեն նման միջոցառման, ապա պետք է տեսախցիկի առջև իրենց ռուս գործընկերների հետ չհայտնվեն:
Գործակալության աղբյուրի խոսքով՝ սա EEAS-ի կողմից տարածվող երկրորդ նմանատիպ փաստաթուղթն է։
Նշվում է, որ Ռուսաստանի դիվանագիտական ներկայացուցչության աշխատակիցներն արդեն զգացել են այս միջոցառումների ազդեցությունը։ Օրինակ՝ հանդիպումների ժամանակ նրանց ողջունելիս այլևս ձեռքսեղմում չեն կատարում և նույնիսկ խնդրել են լքել դիվանագիտական ներկայացուցչություններից մեկի կողմից կազմակերպված միջոցառումը։
