Գեղարքունիքի մարզում ավտոմեքենան գլորվել է ձորը. կա զոհ
Գեղարքունիքի մարզային փրկարարական վարչության ճգնաժամային կառավարման կենտրոնը դեկտեմբերի 10-ին, ժամը 11։48-ին տեղեկություն է ստացել, որ Դդմաշեն գյուղի մոտակայքում տեղի է ունեցել ՃՏՊ, որի հետևանքով կա զոհ. հայտնում է ՆԳՆ փրկարար ծառայությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ «Opel» մակնիշի ավտոմեքենան դուրս է եկել երթևեկելի հատվածից (մոտ 70 մ) և գլորվել ձորը։
«Փրկարարները վարորդի դին դուրս են բերել ձորից և մոտեցրել դի տեղափոխող մեքենային, այնուհետև ավտոմեքենան դուրս բերել ձորից»,-նշված է Փրկարար ծառայության տարածած հաղորդագրության մեջ։
