Իրանում սահմանային բախման հետևանքով ԻՀՊԿ-ի երեք զինծառայող է զոհվել

Իրանի հարավարևելյան Սիստան և Բելուջիստան նահանգում զինված խմբավորման հետ բախման հետևանքով զոհվել է Իսլամական հեղափոխության պահապանների կորպուսի երեք զինծառայող։ Այս մասին հայտնում է Tasnim գործակալությունը։

«Դեկտեմբերի 10-ին Սիստան և Բելուջիստան նահանգի Զահեդան քաղաքի Լար սահմանային շրջանում Իրանի սահմանները պաշտպանելու գործողության ժամանակ ԻՀՊԿ երեք զինծառայողները զոհվել են ահաբեկչական խմբավորումների հետ փոխհրաձգության ժամանակ»,- նշվել է հաղորդագրության մեջ։

Զոհված զինվորականները ծառայում էին ԻՀՊԿ ցամաքային ուժերի Ղուդս բազայում։

Նշվում է, որ զինված խմբավորման անդամներին ձերբակալելու ուղղությամբ քայլեր են ձեռնարկվում։