Վրաստանը թույլ չի տա օտար հետախուզություններին սպառնալ պետության անվտանգությանը. Կոբախիձե
Վրաստանի իշխանությունները հայտարարել են, որ թույլ չեն տա օտարերկրյա պետությունների հատուկ ծառայություններին սպառնալ երկրի պետականությանը:
«Ամենայն պատասխանատվությամբ հայտարարում ենք, որ վրացական պետությունը, Վրաստանի կառավարությունը և պետական անվտանգության ծառայությունը, որը պատասխանատու է մեր երկրի անվտանգության, քաղաքական կայունության և հասարակության լավագույն շահերի պաշտպանության համար, թույլ չի տա, որ օտարերկրյա պետությունների հատուկ ծառայությունները և նրանց տեղական գործակալությունները հնարավորություն ստանան վնաս հասցնել երկրի պետական շահերին»,- ասել է վարչապետ Իրակլի Կոբախիձեն։
