ԶՄՊԿ-ն աջակցում է CaseKey ուսանողական մրցույթին

Ամիսներ շարունակ ընթացող և յուրահատուկ ձևաչափով իրականացվող CaseKey մրցույթն արդեն հինգերորդ տարին է` կամրջում է ուսանողներին ու գործատուներին՝ հնարավորություն տալով երիտասարդներին ուժերը փորձել իրական բիզնես խնդիրների լուծման մեջ։

Այս տարվա մրցույթին առաջին անգամ մասնակցեց նաև Զանգեզուրի պղնձամոլիբդենային կոմբինատը: Ընկերության գլխավոր տնօրենի տեղակալ, իրավաբանական դեպարտամենտի ղեկավար Արտյոմ Պետրոսյանը մրցույթի ընթացքում ընդգծեց, որ քեյսային ուսուցումն այսօր գիտելիքի փոխանցման ու ստեղծման ամենաարդյունավետ եղանակներից է․այն զարգացնում է թիմային աշխատանքը, լիդերությունը, բազմակողմանի վերլուծական մտածողությունը և ուսանողներին մոտեցնում է իրական միջավայրի խնդիրներին։