Պեսկովը նշել է Պուտինի և Ուիթքոֆի հանդիպման թեման
Ռուսաստանի նախագահ Վլադիմիր Պուտինը և ԱՄՆ նախագահի Ուկրաինայի հարցերով հատուկ դեսպանորդ Սթիվ Ուիթքոֆը Մոսկվայում կայանալիք հանդիպման ժամանակ կքննարկեն Վաշինգտոնի և Կիևի միջև ձեռք բերված պայմանավորվածությունները: Այս մասին, ինչպես գրում է РИА Новости-ն, հայտարարել է Ռուսաստանի առաջնորդի մամուլի քարտուղար Դմիտրի Պեսկովը:
«Նախագահ Պուտինը և պարոն Ուիթքոֆը հնարավորություն կունենան քննարկելու լուծումների որոնման վերաբերյալ Կիևի և Վաշինգտոնի միջև ձեռք բերված պայմանավորվածությունները»,- ասել է Կրեմլի խոսնակը։
Ըստ Պեսկովի, Պուտինի և Ուիթքոֆի հանդիպումը, ենթադրաբար, կտևի հինգ ժամ։
