Հունգարիայի ԱԳՆ-ն հայտարարել է, որ երկիրը չի կարող հրաժարվել Ռուսաստանի հետ հարաբերություններից
Հունգարիան չի կարող հրաժարվել Ռուսաստանի հետ շփումներից՝ էներգակիրների մատակարարման պատճառով: Այս մասին հայտարարել է Հունգարիայի արտաքին գործերի նախարար Պետեր Սիյարտոն «Час истины» հաղորդման ժամանակ, փոխանցում է ТАСС-ը:
«Մենք չենք կարող մեզ թույլ տալ հրաժարվել դիվանագիտական ուղիներից և հարաբերությունների պահպանումից մի երկրի հետ, որը մեզ մատակարարում է մեր էներգետիկ ռեսուրսների զգալի մասը, և որը, անկախ նրանից՝ դա մեզ դուր է գալիս, թե ոչ, ապագայում կդառնա վճռորոշ խաղացող ոչ միայն եվրոպական, այլև համաշխարհային անվտանգության համակարգում»,- ասել է Հունգարիայի արտաքին գործերի նախարարը։
