Մերցը չեղարկել է այսօրվա հանդիպումները՝ քննարկելու համար ԱՄՆ խաղաղության պլանը Թրամփի եւ Զելենսկու հետ․ Bild
Գերմանիայի կանցլեր Ֆրիդրիխ Մերցը ուրբաթ անսպասելիորեն չեղարկել է մի քանի հանդիպումներ՝ Ուկրաինայի եւ ԱՄՆ նախագահներ Վլադիմիր Զելենսկու եւ Դոնալդ Թրամփի հետ հեռախոսազրույց ունենալու համար, այս մասին տեղեկացրել է գերմանական Bild պարբերականը։
«Քննարկումը, հավանաբար, կկենտրոնանա Թրամփի 28 կետանոց խաղաղության ծրագրի վրա, որը պահանջում է էական զիջումներ Ուկրաինայից»,- գրել է ռուսալեզու Bild թելեգրամ-ալիքը։
Ինչպես տեղեկացրել է Bild-ը, գերմանական կողմը զրույցների բովանդակությունը կհրապարակի «միայն զրուցակիցների հետ համաձայնեցնելուց հետո»։
Բրիտանական Sky News հեռուստաալիքը ուրբաթ, հղում կատարելով անանուն աղբյուրին, հայտնել է, որ Զելենսկին մտադիր է քննարկել ամերիկյան ծրագիրը Մեծ Բրիտանիայի, Ֆրանսիայի, Գերմանիայի եւ Իտալիայի առաջնորդների հետ, ապա հաջորդ շաբաթ զանգահարել Դոնալդ Թրամփին։
