Մադրիդում ամուսնական զույգ է ձերբակալվել՝ Կասիլյասի տնից գողություն կատարելու համար

Իսպանական ոստիկանությունը ձերբակալել է ամուսնական զույգի, որը կասկածվում է Իսպանիայի հավաքականի և «Ռեալ Մադրիդի» նախկին դարպասապահ Իկեր Կասիլյասի Մադրիդի տնից հինգ շքեղ ժամացույց գողանալու մեջ։ Այս մասին հաղորդում է Fuentes Informadas-ը, փոխանցում է gazeta.ru-ն։

Ըստ լրատվամիջոցների հաղորդագրությունների, զույգը երկար ժամանակ աշխատել է նրա տանը. կինը՝ որպես տնային տնտեսուհի, տղամարդը՝ որպես անվտանգության աշխատակից։

Զույգը մշակել է կողոպուտի ծրագիր, որը ենթադրում էր օրիգինալ ժամացույցները փոխարինել կրկնօրինակներով, ուստի գողությունը անմիջապես չի բացահայտվել։

Գողերը ապամոնտաժել են գողացված ժամացույցները, որոնց թվում էին մի քանի ոսկե Rolex մոդելներ, որոնցից յուրաքանչյուրը արժե ավելի քան 50,000 եվրո, և վաճառել են մասերը առանձին, ինչը դժվարացրել է դրանց գտնելը։