Ո՛չ Հնդկաստանը, ո՛չ Պակիստանը ու ո՛չ Իսրայելը չեն ստորագրել միջուկային զենքի չտարածման պայմանագիրը, իսկ Հյուսիսային Կորեան ավելի խորամանկ է գտնվել. Էդուարդ Աբրահամյան
Էդուարդ Աբրահամյանը գրում է. «Իսկ դուք գիտեի՞ք, որ ոչ Հնդկաստանը, ո՛չ Պակիստանը ու ո՛չ Իսրայելը չեն ստորագրել միջուկային զենքի չտարածման պայմանագիրը (NPT), իսկ Հյուսիսային Կորեան ավելի խորամանկ է գտնվել։ Նախ ստորագրել ու մտել է NPT ՄԱԿ-ի համապատասխան կառույցների մեջ, մաքսիմալ ստացել ինչ իրեն պետք էր, այդ թվում խաղաղ ատոմ զարգացնելու տեխնոլոգիաներ, ռեակտորի/ատոմակայանների նախագծեր, տեղեկատվություն (մեծամասամբ արևմտյան պետություններից), որը հեշտացրել է միջուկային զենքի ձեռք բերման կորեացիների ճանապարհը, և դուրս է եկել NPT-ից 2003ին։ Ավելին, քանի որ Հյուսիսային Կորեան այլևս չի ունեցել պարտավորվածություն չտարածել միջուկային ռազմական տեխնոլոգիաներ՝ փորձել է օգնել մի շարք այլ պետությունների ձեռք բերել այն, այդ թվում ասադյան Սիրիային, Իրանին, աֆրիկյան մի քանի երկրի, այդ թվում Եգիպտոսին ու քադաֆիական Լիբիային»։
