Իրանի արևմուտքում հարձակման հետևանքով զոհվել է անվտանգության ուժերի 2 անդամ
Իրանի արևմուտքում հարձակում է տեղի ունեցել անվտանգության ուժերի ստորաբաժանման վրա, որի հետևանքով զոհվել է անվտանգության ուժերի 2 անդամ, ևս 3-ը վիրավորվել է։
Այս մասին հաղորդում է Mehr գործակալությունը՝ հղում անելով նահանգի Իսլամական հեղափոխության պահապանների կորպուսի (ԻՀՊԿ) հասարակայնության հետ կապերի բաժնին։
Միջադեպը տեղի է ունեցել Քուրդիստանի նահանգի Սերվաբադ քաղաքում։ Հարձակվողներն օգտագործել են ձեռքի նռնակներ:
ԻՀՊԿ-ի Քուրդիստանի ստորաբաժանման պաշտոնյաները հայտնել են, որ կշարունակեն լուրջ ջանքերը՝ նույնականացնելու և պատասխանատվության ենթարկելու հարձակման պատասխանատուներին։
