Հնդկաստանում սողանքների պատճառով զոհերի թիվը հասել է 23-ի
Առնվազն 23 մարդ է զոհվել Հնդկաստանի Արևմտյան Բենգալիայի արևելյան նահանգում այն բանից հետո, երբ հորդառատ անձրևներն առաջացրել են մի շարք սողանքներ, այդ թվում՝ Դարջիլինգի հայտնի զբոսաշրջային վայրում: Այդ մասին հաղորդել է PTI գործակալությունը:
Զոհերի թվում կան երեխաներ:
Տեղական իշխանությունների գնահատումներով՝ հորդառատ անձրևներն առաջացրել են վերջին տասնամյակում ամենասաստիկ սողանքներից մեկն այդ տարածաշրջանում: Տարերքի մոլեգնումից տուժել են շատ բնակավայրեր, փակվել են կարևոր ճանապարհներ: Արտակարգ պատահարի վայրում աշխատում են փրկարարական ծառայությունները: Մի քանի մարդու հաջողվել է փրկել փլվածքների տակից:
Օդերևութաբանները նախազգուշացնում են առաջիկա օրերին հետագա սողանքների և հեղեղումներ մեծ հավանականության մասին: Իշխանությունները խորհուրդ են տալիս բնակիչներին և զբոսաշրջիկներին խուսափել տուժած շրջաններ այցելելուց։
