Սեպտեմբերի 5-ից 11-ը Երևանում կանցկացվեն «Սարոյանական օրեր». ԱՄՆ դեսպան
ՀՀ-ում ԱՄՆ դեսպան Քրիստինա Քվինը ֆեյսբուքյան պաշտոնական էջում հրապարակած տեսաուղերձում տեղեկացրել է սեպտեմբերի 5-ից 11-ը «Սարոյանական օրեր» անցկացնելու մասին։
«Այսօր լեգենդար ամերիկահայ գրող Վիլյամ Սարոյանի ծննդյան օրն է։
Սիրով հայտարարում ենք «Սարոյանական օրերի» մեկնարկը։ Սարոյանի հիմնադրամի հետ համատեղ կազմակերպված այս նախաձեռնության շրջանակում սեպտեմբերի 5-ից 11-ը կանցկացվեն մի շարք միջոցառումներ՝ նշանավորելու մեծ գրողի կյանքն ու գործունեությունը։
Հրավիրում ենք Ձեզ նորովի բացահայտելու Սարոյանին և մի ամբողջ շաբաթ վայելելու թատերական, գրական, գեղարվեստական և այլ միջոցառումներ։
Հետևե՛ք մեր և Saroyan Days էջի գրառումներին՝ իմանալու նախատեսվող միջոցառումների մասին, ծանոթանալու ծրագրին և սպասվող անակնկալներին։
Սիրով սպասում ենք ձեզ»,-ուղերձում ասել է ՀՀ-ում ԱՄՆ դեսպանը։
