«Զելենսկին գալիս էր Վաշինգտոն ու հեռանում միլիարդավոր դոլարներով՝ առանց հստակ նպատակի». Վենս
ԱՄՆ փոխնախագահ Ջեյ Դի Վենսը քննադատել է Վաշինգտոնի կողմից Ուկրաինային տրամադրվող ֆինանսական աջակցությունը՝ ընդգծելով, որ այն հաճախ տրամադրվում է առանց հստակ ռազմավարության։
«Զելենսկին գալիս էր Վաշինգտոն, հեռանում 50 կամ 100 միլիարդ դոլարով՝ առանց որևէ կոնկրետ նպատակի, առանց հստակ պատկերացման, թե ինչի վրա է ծախսվելու այդ գումարը։ ԱՄՆ-ն ուղղակի փող էր նետում անդունդը՝ առանց խնդրի լուծման իրական պլանի։ Դա ինձ շատ էր նյարդայնացնում»,– նշել է Վենսը։
Նրա խոսքերով՝ ամերիկյան իշխանությունները պետք է ունենան հստակ ռազմավարություն Ուկրաինային ֆինանսավորելու հարցում և հասկանան, թե ինչպես են այդ ծախսերը նպաստում պատերազմի ավարտին կամ տարածաշրջանում կայունության հաստատմանը։
