
Մահացել է ռուսաստանցի հայտնի քաղաքագետ, վերլուծաբան Ստանիսլավ Տարասովը

2025 թվականի օգոստոսի 29-ին հայտնի դարձավ, որ մահացել է ռուս քաղաքական վերլուծաբան, պատմության գիտությունների թեկնածու Ստանիսլավ Տարասովը։ Նա 72 տարեկան էր։ Տարասովի մահվան մասին տեղեկությունը հաստատել է նրա կինը։
Ստանիսլավ Տարասովը հայտնի էր որպես Թուրքիայի, Կովկասի և Մերձավոր Արևելքի տարածաշրջանային քաղաքականության մասնագետ։ Նա երկար տարիներ աշխատել է միջազգային հեռարձակման համակարգում, եղել է մի շարք ռուսական պարբերականների խմբագիր և հեղինակել բազմաթիվ վերլուծական նյութեր։
Տարասովը ակտիվորեն մեկնաբանում էր Հայաստանի, Ադրբեջանի և ամբողջ Հարավային Կովկասի քաղաքական զարգացումները՝ հանդես գալով վերլուծություններով ինչպես ռուսական, այնպես էլ միջազգային լրատվամիջոցներում։
168.am–ի խմբագրակազմը խորին ցավակցություն է հայտնում Ստանիսլավ Տարասովի ընտանիքին ու մերձավորներին։