Վիետնամում և Թաիլանդում ջրհեղեղների ու սողանքների հետևանքով զոհվել է առնվազն ինը մարդ
Առնվազն ինը մարդ է զոհվել Հարավարևելյան Ասիայի այն հատվածներում տեղի ունեցած ջրհեղեղների և սողանքների հետևանքով, որտեղ ուժեղ անձրևներ են տեղացել։
«Կաջիկի» փոթորիկը մի քանի օր մոլեգնում է Վիետնամի կենտրոնական և հյուսիսային հատվածներում:
Փոթորիկը խլել է յոթ մարդու կյանք և տասնյակ քաղաքացիներ վիրավորվել են: Իշխանությունների տվյալներով՝ թայֆունը վնասել կամ պոկել է մոտ 9000 տան տանիքներ։
Ջրհեղեղները ողողել են ավելի քան 3000 շենքեր։ Վնասվել են բրնձի դաշտեր։ Մոտ 2000 գլուխ խոշոր եղջերավոր անասուն է քշվել։
Իսկ Թաիլանդում մի քանի մարդ վիրավորվել է երկրի հյուսիսում տեղի ունեցած ջրհեղեղների հետևանքով: Չիանգ Մայ քաղաքում տեղի ունեցած սողանքի հետևանքով երկու մարդ զոհվել է: Շատ տներ փլուզվել են ջրհեղեղի պատճառով:
Թագավորության ութ նահանգներում տուժել է ավելի քան 180 ընտանիք:
Գիտնականները զգուշացնում են, որ կլիմայի փոփոխության հետևանքով ծովերի տաքացումը կհանգեցնի նրան, որ Հարավարևելյան Ասիայում ցիկլոնները կձևավորվեն ցամաքին ավելի մոտ, ավելի արագ կուժեղանան և ավելի երկար կտևեն։
