Քլինթոնը Պուտինին ասել է` պատրաստ է քննարկել Ռուսաստանի անդամակցությունը ՆԱՏՕ-ին. գաղտնազերծում
ԱՄՆ նախկին նախագահ Բիլլ Քլինթոնը ՌԴ նախագահ Վլադիմիր Պուտինին ասել է, որ պատրաստ է քննարկել Ռուսաստանի անդամակցության հնարավորությունը ՆԱՏՕ-ին։ Դրա մասին են վկայում ամերիկյան կառավարության գաղտնազերծված փաստաթղթերը։
«Ես լրջորեն եմ տրամադրված քննարկելու Ռուսաստանի անդամակցությունը ՆԱՏՕ-ին։ Հասկանում եմ, որ Ռուսաստանի ներքին նկատառումները առայժմ դա թույլ չեն տա, բայց ժամանակի ընթացքում Ռուսաստանը պետք է լինի բոլոր այն կազմակերպությունների անդամ, որոնք աջակցում են քաղաքակիրթ աշխարհի միասնությանը», – այն ժամանակ նշել է ԱՄՆ 42-րդ նախագահը։
