Հայաստանը չի մասնակցում ՀԱՊԿ պաշտպանության նախարարների խորհրդի նիստին
Հայաստանը կրկին չի մասնակցում ՀԱՊԿ պաշտպանության նախարարների խորհրդի նիստին, որն անցկացելու է ուրբաթ Ալմաթիում։
Այս մասին ՏԱՍՍ-ին ասել է կազմակերպության քարտուղարության ներկայացուցիչ Յուրի Շուվալովը։
«Հայաստանը չի մասնակցի ՀԱՊԿ պաշտպանության նախարարների խորհրդի նիստին, սակայն հայկական կողմը մեզ տեղեկացրեց, որ դեմ չէ սահմանափակ ձևաչափով որոշումների ընդունմանը», – ասաց Շուվալովը՝ պարզաբանելով, որ սահմանափակ ձևաչափը ենթադրում է Հայաստանի բացակայությունը։
