Իսրայելի օդուժի հարվածներից Ռաֆահում 12 պաղեստինցի է զոհվել
Իսրայելական ուժերի կողմից Գազայի հարավում գտնվող Ռաֆահ քաղաքի վրա ավիահարվածի հետևանքով զոհվել է առնվազն 12 պաղեստինցի: Այս մասին հայտնում է Reuters–ը:
Գազայի բժշկական ոլորտի աղբյուրները հայտնել են, որ զոհված 12 պաղեստինցիները խաղաղ բնակիչներ են: Իսրայելի ավիահարվածների հետևանքով նաև կան դեռևս չհստակեցված թվով վիրավորներ:
Պաղեստինյան ՀԱՄԱՍ արմատական շարժումը միջազգային միջնորդներին տեղեկացրել էր Իսրայելի հետ անուղղակի բանակցություններին մասնակցությունը դադարեցնելու մասին, մինչև Իսրայելը չդադարեցնի ռազմական գործողությունը Գազայի հատվածի Ռաֆահ քաղաքում:
