«Իսրայելի կողմից Ռեֆահի վրա հարձակումը կազդի ամբողջ աշխարհի վրա». Թուրքիայի ԱԳՆ խոսնակ
Թուրքիայի արտգործնախարարության խոսնակ Օնջյու Քեչելին սոցհաշվում կատարած գրառմամբ անդրադարձել է Պաղեստինի Գազայի հատվածի շուրջ տեղի ունեցող վերջին զարգացումներին: Այս մասին տեղեկացնում է ermenihaber.am-ը։
Նա նշել է, որ Իսրայելի կողմից Գազայի Ռեֆահ Քաղաքի ուղղությամբ ռազմագործողությունը ոչ միայն տարածաշրջանի, այլ նաև ամբողջ աշխարհի վրա է ազդելու:
«Պայման է, որ Իսրայելն անհապաղ դուրս գա օկուպացված Ռեֆահի սահմանային անցակետի Գազայի հատվածից: Ռեֆահում և անցակետում պետք է անհապաղ վերականգնվի ստատուս քվոն»,-հավելել է նա:
Բացի այդ, Քեչելին ընդգծել է, որ Ռեֆահի ուղղությամբ իրականացվող հարձակումների աճը ևս մեկ անգամ ի ցույց է դնում այն, որ Իսրայելի վարչապետ Բենյամին Նեթանյահուի կառավարությունը գործում ոչ լավ մտադրություններով:
