Իրանն ու Ադրբեջանը քննարկել են տարածաշրջանային անվտանգության հարցեր
Ադրբեջանի պաշտպանության փոխնախարար, Առանձին համակցված բանակի հրամանատար Քերեմ Մուստաֆաևը պաշտոնական այցով ժամանել է Իրանի Իսլամական Հանրապետություն: Այս մասին հայտնում է Ադրբեջանի պաշտպանության նախարարությունը։
Նշվել է, որ այցի ընթացքում հանդիպումներ են տեղի ունեցել Իրանի զինված ուժերի գլխավոր շտաբի պետի առաջին տեղակալ, գեներալ-մայոր Ազիզ Նասիրզադեի և այլ ռազմական ղեկավարների հետ։
Հանդիպումների ընթացքում քննարկվել են Ադրբեջանի և Իրանի միջև ռազմական համագործակցության զարգացման ներկա վիճակը և հեռանկարները, տեղի է ունեցել մտքերի հանգամանալից փոխանակում տարածաշրջանային անվտանգության հարցերի շուրջ։
