Լավրովն ու Բայրամովը քննարկել են Ղարաբաղի շուրջ ստեղծված իրավիճակը. ՌԴ ԱԳՆ
ՌԴ արտգործնախարար Սերգեյ Լավրովն ու Ադրբեջանի արտգործնախարար Ջեյհուն Բայրամովը քննարկել են Լեռնային Ղարաբաղի շուրջ ստեղծված իրավիճակը, այդ թվում՝ հայ բնակչությանը հումանիտար աջակցություն ցուցաբերելու հարցերը: Այս մասին ասվում է ՌԴ ԱԳՆ հաղորդագրության մեջ։
«Քննարկվել է իրավիճակը ԼՂ–ում` ներառյալ հումանիտար աջակցության տրամադրման, տեղի հայ բնակչության իրավունքների եւ անվտանգության ապահովման հարցերը»,– նշված է նախարարության հաղորդագրության մեջ:
Կողմերը քննարկել են 2020-2022 թթ. բարձր մակարդակով ձեռք բերված եռակողմ պայմանավորվածությունների իրականացման ուղիները։ Դրանք վերաբերում են Բաքվի և Երևանի միջև խաղաղության պայմանագրի մշակմանը, հայ-ադրբեջանական սահմանի դելիմիտացիային, տրանսպորտային հաղորդակցությունների ապաշրջափակմանը:
Անդրադարձ է կատարվել նաև երկկողմ և տարածաշրջանային օրակարգի մի շարք տարբերակների:
