«Եթե Ռուբեն Վարդանյանը դեռ Ռուսաստանի քաղաքացի է, ապա ՌԴ-ն կպաշտպանի նրա իրավունքները». Պեսկով
ՌԴ նախագահի մամուլի քարտուղար Դմիտրի Պեսկովը Լեռնային Ղարաբաղի նախկին պետնախարար Ռուբեն Վարդանյանի ձերբակալության մասին տեղեկություն չունի։
«Ես նման տեղեկություն չունեմ, ուստի ոչինչ չեմ կարող ասել», – նշել է Կրեմլի ներկայացուցիչը՝ լրագրողների հետ զրույցում պատասխանելով համապատասխան հարցին:
Միաժամանակ նա դժվարացել է ասել` Վարդանյանն այժմ ՌԴ քաղաքացիություն ունի՞, թե՞ ոչ։
«Եթե նա դեռ Ռուսաստանի քաղաքացի է, ապա ՌԴ-ն կպաշտպանի նրա իրավունքները»,– ասել Է Պեսկովը:
Նշենք, որ Ռուբեն Վարդանյանն այսօր ձերբակալվել և գերեվարվել է Ադրբեջանի իշխանությունների կողմից։
