Նշվել են քնելուց առաջ անհանգստության պատճառները և դրանցից ազատվելու ուղիները
Անհանգստությունն ու անքնությունը մեկ ցիկլի փոխկապակցված մասեր են, որոնց մեջ մտնելով՝ մարմինը չի կարող նորմալ հանգստանալ, ասում է քնի հոգեբան Քեթրին Հոլը։ Գիշերային մոլուցքային մտքերից ազատվելու և լավ քնելու ուղիներ նա անվանել է Metro-ի հետ զրույցում։
Հոգեբանը բացատրել է, որ անհանգստության առաջացման պատճառը ևս մեկ գիշեր առանց քնելու և առավոտյան ծանրաբեռնված զգալու վախն է։ Միաժամանակ, ըստ նրա, որքան մարդն անհանգստանում է, այնքան քնի որակն է վատանում։
Խորը քնի մշտական բացակայությունը, շարունակել է հոգեբանը, նշանակում է, որ մարդն արագ կհոգնի, ավելի վատ կստացվի կենտրոնանալը։
Բացի այդ, նա ունի ինսուլտի և սրտի կաթվածի բարձր ռիսկ: Հոլը խորհուրդ է տվել մարդկանց, ովքեր անքնություն ունեն, չչարաշահել քնաբերները, քանի որ դրանք երկարաժամկետ հեռանկարում անօգուտ են։
Նրա կարծիքով՝ վերականգնման առաջին քայլը գիտակցելն է, որ գիշերը անհանգստացնող կամ ներխուժող մտքերը վախի դրսեւորում են։ Ըստ shantnews-ի՝ նա նշել է, որ ննջասենյակը պետք է լինի իդեալական հանգստի համար՝ մութ, անաղմուկ, ավելորդ ոչինչ չպետք է լինի:
Հոլը նաև հորդորել է խստորեն պահպանել օրվա ռեժիմը, սպորտի համար պետք է ժամանակ հատկացնել առավոտյան, իսկ երեկոյան ժամերը հատկացնել հանգստին։ Մասնավորապես, քնելուց առաջ մասնագետն առաջարկել է լոգանք ընդունել, մաշկը խնամել, շնչառական վարժություններ կամ մեդիտացիա անել։
