Ալբերտ Բազեյանը կալանավորվել է
Երկրապահ կամավորականների միության նախկին փոխնախագահ Ալբերտ Բազեյանը կալանավորվել է ՀՀ վարչապետ Նիկոլ Փաշինյանի դեմ մահափորձ նախապատրաստելու կասկածանքով: Այս մասին հայտնում է Ա. Բազեյանի փաստաբան Գեորգի Մելիքյանը։
Մելիքյանը նշել է, որ դատարանը բավարարել է Բազեյանի նկատմամբ կալանավորումը որպես խափանման միջոց ընտրելու վերաբերյալ նախաքննական միջնորդությունը:
Նշենք, որ Ալբերտ Բազեյանն իրեն առաջադրված մեղադրանքը չի ընդունում, նա իրեն քաղբանտարկյալ է համարում։
Ավելի վաղ ԱԱԾ-ն հայտնել էր, որ սեպտեմբերի 23-ին Բազեյանը և «Խաչակիրներ» ռազմահայրենասիրական կազմակերպության ևս 7 անդամներ ձերբակալվել են իշխանությունը զավթելու փորձի գործով:
