«Թուրքական մեդիան ՀՀ իշխանություններից է՛լ ավելի եռանդուն կերպով պնդում է, որ Երևանի փողոցներում «հեղաշրջման փորձ է» և հետևաբար պետք է պաշտպանել Փաշինյանին»
Թուրքագետ Վարուժան Գեղամյանը տելեգրամյան իր ալիքում գրում է. «Արցախին ի աջակցություն և Հայաստանի դե-ֆակտո իշխանությունների դեմ բողոքի բազմահազարանոց ցույցերը անհանգստացնում են ոչ միայն իշխանություններին, այլև այս իշխանությունների գլխավոր գործընկերոջը՝ Թուրքիային։
Այդ է պատճառը, որ թուրքական մեդիան Հայաստանի իշխանություններից էլ ավելի եռանդուն կերպով պնդում է, որ Երևանի փողոցներում «հեղաշրջման փորձ է» և հետևաբար պետք է պաշտպանել Փաշինյանին։
Կից ներկայացնում եմ թուրքական ամենախոշոր հեռուստաալիքների վերջին օրերի մի քանի թողարկում, որ նվիրված է Հայաստանում տեղի ունեցող իբր հեղաշրջմանը։
Թուրքերենում հեղաշրջում թարգմանվում է «darbe»։
Սա էլ տեսնելուց հետո հարց տվեք ինքներդ ձեզ՝ ինչո՞ւ պետք է Թուրքիան, որ ուզում է մեր երկիրը ոչնչացնել և այս պահին ցեղասպանություն է գործում Արցախում, այսքան ջանադրաբար աջակցի Փաշինյանին։ Պատասխանը պարզ է»։
Մեկ այլ գրառմամբ էլ՝ ի հավելումն Վարուժան Գեղամյանը գրում է. «Իմիջիայլոց, 2021 թ. Հայաստանի զինված ուժերի Գլխավոր շտաբի հայտարարությունից հետո Թուրքիան առաջինն ու գլխավորն էր, որ նորից այդ ամենը որակեց որպես «հեղաշրջման փորձ» և սպառնաց, որ «թույլ չի տա նման զարգացումներ»՝ փաստացի փրկելով փաշինյանի իշխանությունը»։
